မြန်မာနဲ့ မြောက်ကိုရီးယား ပက်စ်ပို့ အဆင့်တူ သတ်မှတ်ခံရ
~•~•~•~••~••~•~•~•~•~•~•~•~•~•~•~•~•~•
~•~•~•~••~••~•~•~•~•~•~•~•~•~•~•~•~•~•
နိုင်ငံပေါင်း ၁၀၄ နိုင်ငံက ပက်စ်ပို့တွေရဲ့ သြဇာရှိမှုကို
အဆင့်သတ်မှတ်ခဲ့ရာမှာ မြန်မာက အဆင့် ၉၅ ဖြစ်ပြီး မြောက်ကိုရီးယားနဲ့
အတူတူဖြစ်ပါတယ်။
မြန်မာပက်စ်ပို့ ကိုင်ဆောင်ထားသူတွေအတွက် ခရီးသွားရတာ
မလွယ်ကူဘူးဆိုတာကို သက်သေပြတဲ့ စစ်တမ်းတစ်ခု ထပ်မံထွက်ပေါ်လာပါတယ်။ နိုင်ငံပေါင်း ၁၀၄ နိုင်ငံက ပက်စ်ပို့တွေ ကို လေ့လာ စစ်တမ်း ထုတ်ယူပြီး
သတ်မှတ်ထားတဲ့ အဆင့်အရ မြန်မာပက်စ်ပို့ရဲ့ အဆင့်ဟာ ၉၅ နေရာမှာရှိနေပါတယ်။
မြန်မာပက်စ်ပို့ရဲ့ အရှိန်အဝါဟာ အနိမ့်ဆုံး စာရင်းထဲမှာပါဝင်ပါတယ်။
ကမ္ဘာ့အင်အားကြီး နိုင်ငံတွေ ဝိုင်းဝန်းပြီး စီးပွားရေးပိတ်ဆို့ထားတဲ့
မြောက်ကိုရီးယားနိုင်ငံရဲ့ ပက်စ်ပို့လည်း အဆင့်-၉၅ နေရာပဲ ဖြစ် လို့
မြန်မာပက်စ်ပို့နဲ့ အဆင့်အတူတူဖြစ်ပါတယ်။ ဒါကို Visaindes.com က စစ်တမ်းပြုစုပြီး ထုတ်ပြန်ကြေငြာ ခဲ့တာပါ။
ကမ္ဘာအနှံ့အပြားက ပက်စ်ပို့တွေရဲ့ အင်အားကြီးမှုအဆင့်အတန်းကို
အဆင့်သတ်မှတ်ရာမှာ အောက်ပါ အချက်တွေ ထည့်သွင်းတွက်ချက်ပါတယ်။
နိုင်ငံပေါင်းဘယ်လောက်ကို ဗီဇာမလျှောက်ပဲ ခရီးသွားနိုင် သလဲဆိုတာနဲ့
ဗီဇာကြိုမလျှောက်ပဲ ဆိုက်ရောက်ဗီဇာလျှောက်ထားလို့ရတဲ့ နိုင်ငံ ဘယ်လောက်ရှိ၊
မရှိဆိုတာ ကို ထည့်သွင်းစဉ်းစားပါတယ်။
မြန်မာပက်စ်ပို့ကိုင်ဆောင်သူတွေအတွက် အနည်းငယ်တိုးတက်လာတဲ့ ဖြစ်စဉ်တစ်ခုအနေနဲ့ ပြီးခဲ့ တဲ့ နှစ်အတွင် မြန်မာနဲ့ ထိုင်းအကြား ဗီဇာကြိုလျှောက်စရာမလိုပဲ နှစ်ပတ်ကြာဗီဇာကင်းလွတ်ပြီး လည်ပတ် ခွင့် သဘောတူညီမှုကို နှစ်နိုင်ငံလက်မှတ်ရေးထိုးနိုင်ခဲ့ပါတယ်။ အခုထုတ်ပြန်ထားတဲ့ စာရင်းအရ ကမ္ဘာမှာ သြဇာအရှိဆုံး ပက်စ်ပို့က ဂျာမနီပက်စ်ပို့ဖြစ်ပြီး အဲဒီနောက်မှာ ဆွီဒင်၊ ဖင်လန်နဲ့ ပြင်သစ်တို့ ရှိပါတယ်။
Source : Visaindex, Coconuts Yangon
#ဒီမိုကရေစီတူဒေး
#ဒီမိုကရေစီတူဒေး
No comments:
Post a Comment